БАВЕН СООБРАЌАЈ: ВО ДВИЖЕЊЕ ПЕШ ИЛИ СО ВЕЛОСИПЕД

Велосипедот е популарно превозно средство во Швајцарија. Велосипедските патеки се добро означени или маркирани со жолта боја на улиците, за велосипедиститеда можe да се движат побезбедно во сообраќајот. Се препорачува да склучите осигурителна од одговорност, за да Ве осигураме во случај на оштетување на трети лица со Вашиот велосипед. Дополнителни правила важат за електричen велосипед (е-bike).

Дури и пешaк треба да минува низ сообраќајот што е можно побезбедно. Генерално, пешаците имаат право на првенство на минување на пешачки премин. Децата кои одат до училиште пеш стануваат понезависни, имаат социјални контакти и се движат секој ден. Затоа, сообраќајната полиција во Шафхаузен ги обучува децата од градинките и учениците од училиштата како правилно да се однесуваат во сообраќајот.

ЈАВЕН СООБРАЌАЈ

Во Швајцарија на располагање Ви стои добро развиена и ефикасна мрежа за јавен превоз, која исто така ги вклучува и малите општини. Возните редови на железницата, автобусите и бродскиот сообраќај се координирани еден со друг. Многу патници претпочитаат воз, особено за подолги релации и за патување до работа или училиште. Има различни понуди и претплати, со кои јавниот превоз можете да го користите поволно. Особено популарна е претплатата за претплата по пола цена, која ви овозможува да користите јавен превоз за половина од цената. Деца до 6 години патуваат бесплатно. Постари деца до 16 години можат да патуваат бесплатно со билет за јуниори, кога се придружувани од родител или со групен билет кога се придружувани од друг возрасен. Во некои општини може да добиете евтини дневни билети за цела Швајцарија.

Регионален сообраќај Шафхаузен
Секој што сака да патува од село во град (и обратно), брзо ќе стигне до својата дестинација. Во секоја општина има врски конекции со воз или автобус. Ако сакате да патувате малку поспокојно, на Рајна на располагање Ви стојат различни бродски транспортни врски. Шафхаузен е дел од тарифната асоцијација OSTWIND. Во тарифна асоцијација важи зонска тарифа, што значи дека патникот може да патува на сите линии во дефинираните зони во рамките на важноста со еден билет. Ова значи дека не мора да купувате нов билет кога од воз се прекачувате во автобус, под услов да имате купено билет за дадената зона.

ВОЗЕЊЕ АВТОМОБИЛ ВО ШВАЈЦАРИЈА

Возачка дозвола и безбедност на патиштата

Странските возачки дозволи во Швајцарија важат една година од датумот на влез во земјата. Во овој период мора да се побара швајцарска возачка дозвола во кантоналната канцеларија за патен и бродски сообраќај. Распрашајте се за важечките сообраќајни прописи во Швајцарија!

Задолжителната употреба на вињета

За патување на автопати и магистрали задолжителна е употреба на вињета. Вињета може да се купи во царинарници, пошти, бензински пумпи, гаражи и канцеларии на TCS, како и во канцелариите на кантоналната служба патен сообраќај.

Осигурување на моторни возила

Осигурувањето од одговорност е задолжително за сите моторни возила како што се автомобили, мотоцикли, мотори и е-велосипеди до 45 км/ч, како и за бродови. Осигурувањето на моторни возила може да се прошири со разни додатоци.

Увоз на странски возила во Швајцарија

Доколку влезете во Швајцарија и увезете возило од странство, веднаш регистрирајте го Вашето возило во швајцарска царина. Возилата не треба да се регистрираат во првите дванаесет месеци од Вашиот влез во Швајцарија, доколку странските таблички се валидни и постои осигурително покритие.

Сепак, секој кој престојува во Швајцарија повеќе од една година мора да регистрира увезено возило во Швајцарија. Сите моторни возила и приколки мора да бидат официјално проверени пред да бидат регистрирани за употреба во Швајцарија. Ве молиме контактирајте ја Службата за патен сообраќај на кантонот во рана фаза за да дознаете за барањата за регистрација и потребните документи.

ВОЗДУШЕН СООБРАЌАЈ

Меѓународниот аеродром Цирих-Клотен е блиску и бргу достапен. До аеродромот се потребни околу 30 минути со автомобил и 40 минути со директен воз. Од Цирих има дневни летови практично до секоја важна економска метропола. Самиот аеродром е добро опслужен со јавен превоз. Чекирањето е можно директно на железничката станица Шафхаузен. Таму ќе ја добиете и Вашата бординг карта.

ПАТУВАЊЕ ПРЕКУ ГРАНИЦА - ЦАРИНСКИ ПРОПИСИ

Околните земји покануваат на екскурзии. Запомнете дека ќе ја преминете државната граница и со Вас мора да носите соодветни документи. Информации за царинските прописи може да се добијат од Швајцарската царинска служба.